தன்னிறைவான மக்கள் மைய திட்டம் மற்றும் வளர்ச்சி நோக்கி...
மறைவட்ட முதன்மைகள், அமைப்புகள், கூட்டங்கள்
முதன்மைகள்:
- ☞ அடிப்படை மறைமாவட்ட ஒழுங்குமுறைகள் எல்லாப் பங்குகளிலும் கடைப்பிடிப்பதை வாக்குவித்தல், நடைமுறைப்படுத்தல்
- ☞ மறைவட்ட அடிப்படை கட்டமைப்புகள் உருவாக்குதல் குறிப்பாக அனைத்துப் பங்குகளிலும் நிதிக்குழு, தணிக்கைக் குழு, பங்கு திருத்தூதுக் கழகங்களின் ஒருங்கிணையம், பங்குகளில் சமநிலை நிர்வாக அமைப்புகள், வெளிப்படைக் கணக்குகள், ஆண்டு தணிக்கைகள், ஆண்டு நிதிநிலை அறிக்கைகள், ஆண்டு குறுகிய மற்றும் நீண்ட கால திட்டங்கள் ஏற்படுத்துதல், மறைமாவட்ட ஒழுங்குகளைச் சீராகக் கடைப்பிடித்தல் மற்றும் கண்காணிப்புக குழு, தொடர் பயிற்சிகள் கண்காணிப்புக் குழு, கருத்தாளர் குழு போன்ற இன்னும் சில...
- ☞ யாவருக்கும் அடிப்படைக் கல்வியினை உறுதிசெய்தல்.
- ☞ பள்ளி இடைநிறுத்தம் கவனம் ஏற்பு திட்டம் உருவாக்கிச் செயல்படல்.
- ☞ உயர் மற்றும் தொழில் கல்விக்கான தொடர் வழிகாட்டும் பயிற்சிகள்
- ☞ அரசுதுறை சார் வேலை வாய்ப்பு மற்றும் சமூக அரசியல் தலைமைகளை ஊக்குவித்தல்
- ☞ கடல் மற்றும் விவசாயம் சார் மக்களின் மேம்பாட்டு திட்டம் மற்றும் உரிமைக்காக அரசிடம் வற்புறுத்தல், போராடுதல்
- ☞ கடல் மற்றும் கரையோர இணைப்பு சாலைகளை அரசு மற்றும் தனியார் இணைந்து மேம்படுத்துதல்
- ☞ நலிவுற்ற மக்கள் மறுவாழ்வு நடத்துதல் மற்றும் திடக்கழிவு மேலாண்மைகள் பற்றிய தொடர் பயிற்சி, விழிப்புணர்வு வழங்கல், அரசுடன் இணைந்து போதை ஒழிப்பில் ஈடுபடல்.
- ☞ சிறார் மற்றும் மாணவ மாணவிகள், இளையோர் தொடர் உயர் கல்வி வழிகாட்டுதல் (TET, NET, NEET, TNPSC, IAS, IPS, IFS etc.) திட்டமிடல்.
- ☞ வாரத்தில் இரண்டு நாட்களேனும் மறைவட்ட மையத்தில் சிறியோர், இளையோர் போதை மாற்று, திருமணம் மற்றும் குடும்ப நல வாழ்வுக்கான ஆற்றுப்படுத்துதல் தொடர் நிகழ்வுகள் நடைபெறுதல்
- ☞ முதியோர் நலன் பேணல் மற்றும் முதியோர் இல்லங்கள் கண்டுபிடித்து உதவுதல்.
- ☞ புற்று நோய் மற்றும் மருத்துவ வழிகாட்டல் நல உதவித் திட்டம் உருவாக்குதல்.
- ☞ சாத்தியக்கூறு உண்டு எனில் குடும்ப நல பணிக்குழு மூலம் வாரம் தோறும் தொடர் திருமண பயிற்சி வகுப்புகள் மறைவட்ட மையத்தில் நடத்துதல். அருகாமை மறைமாவட்டத்தில் உள்ள தமிழ் பேசும் இளையோரும் பயன்பெறுவர்.
- ☞ அரசியல் விழிப்புணர்வும் மற்றும் அரசு பணியில் ஈடுபடுவதையும் மக்கள் மத்தியில் ஊக்குவித்தல்
- ☞ இணைந்து பயணிக்க மகிழ்வான தேவையான அதிகமான பயிற்சிகள், கருத்தரங்குகள், தியானங்கள், கலைஞர்கள் உருவாக்குதல், அமைப்புக்களை உருவாக்கம் செய்தல்
- ☞ வரதட்சணை, மொய், சீர்வரிசை இவைக்களுக்கான மாற்றுவழி திட்டங்கள் ஏற்படுத்துதல்
- ☞ ஐந்து ஆண்டுக்கு ஒரு முறையேனும் மக்கள் வாழ்க்கைநிலை தரவுகள் எடுத்து தொடர் திட்டமிடலுக்கான வழிகாட்டல் மற்றும் துறைகள், வாரியங்கள் மூலங்கள் பணிகளை முடுக்கிவிடல்
- ☞ மறைவட்ட முதல்வரின் பங்கு கலந்துரையாடல் குறைந்தது ஈராண்டுக்கு ஒருமுறை ஆயர் சந்திப்புக்குப் பிறகு நடைபெறும்.
- ☞ அந்தந்த ஆண்டின் மையப்பொருள் அடிப்படையில் ஒவ்வொரு ஆண்டும் முன்கூட்டியே திட்டமிடல், பணிக்குழுக்களும் தனித்தனியே திட்டமிடல் தேவை.
அமைப்புகள்:
- ☞ மறைமாவட்டத்தின் அனைத்துத் திருத்தூதுக் கழகங்கள், சங்கங்கள், இயக்கங்கள், அமைப்புகள், பணிக்குழக்கள், அனைத்துப் பங்குகளிலும் ஏற்படுத்துதல், பணிக்குழுக்கள் சுதந்திரமாகத் திட்டமிட்டு இணைந்து செயல்படுதல்.
- ☞ பங்குகளின் அனைத்து அமைப்புகளும் மறைவட்டத்தில் ஒருங்கிணைக்கப்படுதல்.
- ☞ திருத்தூதுக் கழகங்களின் மறைவட்ட ஒருங்கிணையம் அமைத்தல்.
- ☞ மறைக்கல்வியைக் கட்டாய பாடமாக்குதல் மற்றும் அன்பிய அமைப்பின் செயல்பாடுகள் கட்டாயமாக்குதல்.
- ☞ மறைமாவட்ட முதன்மைக்கேற்ப அன்பியம், பங்கு பேரவை நிர்வாக அமைப்புகள் மறு வாசிப்புச் செய்யப்பட்டு நியாயமான மற்றும் நலமான அமைப்புக்களை மறைமாவட்ட நீரோட்டத்தோடு உருவாக்குதல்.
- ☞ தேவையான துணைக்குழுக்கள் மறைவட்டத்தில்/பங்கில் பரிந்துரைத்தல், அமைத்தல்.
- ☞ பங்குகளில் கணக்கு, செயல் திட்டம் இவைகளில் வெளிப்படைத்தன்மையை உறுதிசெய்தல்.
- ☞ பொதுநிலையினரை அதிக செயல்பாட்டுக்கு உற்சாகப்படுத்துதல்.
- ☞ ஒரு நபர் ஒரு சபை ஒரு சங்கம் / இயக்கத்தில் ஈடுபட உற்சாகமளித்தல் ஒரு நபர் பல நிர்வாகத்தில் இராமல் ஒரு நிர்வாகத்தில் ஆர்வமாக ஈடுபடும் வழக்கமான நடைமுறையை ஊக்கப்படுத்துதல்.
- ☞ மறைவட்டதன்னிறைவிற்கான சிறப்பு நிதி உருவாக்கம்.
- ☞ மறைவட்ட இளையோர் வேலை வாய்ப்பு சேவை, ரத்த தான தொடர்பு, திருமணத்தகவல் சேவை மற்றும் புலம் பெயர்ந்தோர் நல வாழ்வு திட்பம் ஏற்படுத்துதல்.
- ☞ வாசிக்கும் பழக்கம் ஏற்பட நூலகம் உருவாக்கல் மற்றும் மறைவட்ட Audio & Video மற்றும் E Library ஏற்படுத்துதல்.
கூட்டங்கள் / பயிற்சிகள் /மாநாடுகள் / இறைமக்கள் பேரவை: (மறைவட்ட மையத்தில்)
- ☞ வாரம் தோறும் இரண்டு அல்லது மூன்று நாட்கள் மாணவர், இளையோர் போதை மறுவாழ்வு, குடும்ப ஆற்றுப்படுத்துதல்
நடைபெறும். மூன்று சனிக்கிழமைகளில் ஒரே நேரத்தில் மதியம் மூன்று மணிக்குச் சில பணிக்குழு கூட்டங்கள் நடைபெற இடம் வசதி உண்டு. அவ்வாறு அனைத்துப் பணிக்குழு கூட்டமும் நடை பெற செயலர்கள் திட்டமிட வேண்டும்.
- ☞ மாதம் ஒருமுறை அந்தந்தப் பணிக்குழுவின் வசதிக்கேற்ப பணிக்குழுவின் கூட்டம் (வெள்ளி / சனி / ஞாயிறு) மற்றும் தொடர் செயல்பாடுகள்.
- ☞ இரண்டு மாதம் ஒருமுறை அருட்பணியாளர்கள் கூட்டம் (செவ்வாய்) தியானத்தோடு...
- ☞ இரண்டு மாதம் ஒருமுறை அருட்பணி குழுக்கள் ஒருங்கிணையம்
- ☞ மூன்று மாதம் ஒருமுறை மறைவட்ட அருட்பணிப் பேரவை கூட்டம்
- ☞ நான்கு மாதம் ஒருமுறை மறைவட்ட திருத்தூதுக் கழகங்கள் ஒருங்கிணையம்
- ☞ துணைக்குழுக்கள் கூட்டம் தேவைக்கு ஏற்ப (உம்) மறைவட்ட அமைதிக்குழு, கட்டுமான பரிந்துரைக்குழு, கருத்தாளர் குழு
- ☞ திருமண வகுப்பு இரண்டு நாட்கள் மறைமாவட்ட ஒழுங்குமுறைகளின்படி நடத்தலாம்.
- ☞ முதல் திங்கள் கிழமைகளில் வட்டார முதல்வரின் வங்கி வாரிய கூட்டம் நடைபெறும்
- ☞ தொடர் கலைப் பயிற்சிகள் வாரம் தோறும் (இசை, நடனம், பேச்சு, வரைதல் போன்ற) நடத்தலாம்.
- ☞ ஆண்டுக்கு ஒருமுறை அந்தந்தப் பணிக்குழுக்கள் மாநாடு நடத்த ஏற்பாடு செய்தல்.
- ☞ கிளைப்பங்கு / பங்கு கணக்கு தணிக்கை ஆண்டுக்கு ஒருமுறை ஏப்ரல் / மே மாதத்திற்குள் முடிப்பது சிறப்பு
- ☞ மறைவட்ட வழக்கமான கூட்டங்கள் தவிர சிறப்புப் போட்டிகள், மாநாடுகள், பயிலரங்கங்கள் நடைபெறும் இடங்கள் சுழற்சி முறையில் இடம் மாற்றியும் செய்யலாம்.
- ☞ மறைமாவட்ட ஒழுங்கு முறைகளைக் குறிப்பாக அருளடையாளங்கள், அமைப்புகள் போன்றவைகளைச் சீராகக் கடைப்பிடித்தல், தேவைப்படின் மாற்றி அமைக்க VPC மூலம் மறைமாவட்டத்திற்குப் பரிந்துரைத்து இணைந்து பயணித்தல்.
- ☞ வட்டாரத்தில் பணிபுரியும் அருள்சகோதரிகள் மற்றும் அருள்பணியாளர்கள் இணைந்த கூடுகை நான்கு மாதத்திற்கு ஒருமுறை கூட்டப்படும்.
- ☞ அழைப்பிதழ், தகவல் பரிமாற்றம் அதிகமாக Post Card வழி அனுப்பப்படும். நினைவூட்டல் மட்டும் Whatsapp வழியாகப் பகிரப்படும்.
- ☞ பங்குகளில் பாடகற்குழுவில் உள்ள இசைக்கருவி மீட்டுவோர்க்குத் தனி பயிற்சி ஏற்பாடு.
- ☞ மறைமாவட்ட கூட்டங்கள் நேரம் மாற்றத்திற்கு உட்பட்டது.
- ☞ பணிக்குழு மாநாடுகள் நடைபெறாது.
அலுவலகம்:
- ☞ மறைவட்ட அலுவலக நேரம் காலை 09.00 AM to 1.00 PM
- ☞ மையத்தில் வழக்கமான ஆற்றுப்படுத்துதல், பயிற்சி மற்றும் கூட்டங்கள் 3.00 PM to 4.00 PM
- ☞ வியாழன் விடுமுறை
- ☞ Creating Website
ஆலஞ்சி மறைவட்ட மக்களுக்காக...
அருட்பணி.P. தேவதாஸ்
வட்டார முதன்மைப்பணியாளர்
ஆலஞ்சி மறைவட்டம்